بعيون عربيةرمضان كريم

حلاوة زمان (9) .. مواقف و قطايف

قول لعمك حسن عايزينها عصافيري … بلاش الكبيرة بتاعت اخر مره دي 

القطايف … مش بس شوية دقيق و سكر و لبن علي خميره ..ولا الموروث الرمضاني الجميل اللي بنستناه من السنه للسنه … لا دي حاجه تانيه كلنا بنحبها ..

و ياما رحنا اشتريناها من عند الكنفاني … نقف حواليه و نشوف بيعمل القطايف ازاي باستخدام القمع … و دايما كانت امهاتنا تقولنا نجيبها يا اما مدوره و كبيره .. يا عصافيري و صغيره ..

ذكرياتنا دايما جميله مع القطايف (فاكهة رمضان) سواء في حشوها .. او تحميرها .. او حطها في الشربات و تصفيتها .. كنا زمان بنحشيها مكسرات .. و كل واحد و مقدرته .. ناس تحط زبيب و بندق و فسدق .. و ناس تكتفي بجوز الهند و الفول السوداني … انما الايام دي بقي الوضع مختلف كتير فبقت اشكال و الوان .. بالقشطه .. بالكستر .. بالفواكه .. بالنوتيلا .. و التشيز كيك .. بالتفاح و القرفة .. و عليها صوصات .. الشيكولاته او البلوبيري .. يعني دخلت في الحياة العصريه و العولمه زيها زي كل حاجه في حياتنا تقريباحلاوة زمان (9) .. مواقف و قطايف

القطايف اشتهرت في مصر .. و في الشام .. و بلاد المغرب العربي و خصوصا تونس .. ناس بتاكلها بعد الفطار .. و ناس مع الفطار خصوصا لما تكون محشيه بحوادق .. و ده صنف جديد برضه يعني ممكن تتحشي بالجبن بانواعها .. و في نابلس الفلسطينيه بتتاكل قبل الفطار كنوع من فواتح الشهيه … و في سوريا بيتحط فيها القرفه و تتسقي بماء الورد و الشربات … السوريين اصلا بياكلوا القطايف طول السنه .. مش زينا في رمضان بس .. و القطايف عندهم ساعات بتتعمل في صينيه كبيره و تتحط طبقات بينها مكسرات و قشطه وبتبقي شبه الجلاش .. 

القطايف تعتبر من ابرز علامات الشهر الكريم .. مع انها موجوده طول السنه .. بس في رمضان بيبق ليها طعم تاني .. ممكن تتاكل بعد التحمير .. و في ناس بتاكلها نيه مع المكسرات و الكريمه

القطايف .. كانت من الحلويات الي انتشرت في العصر الفاطمي .. الفاطميين جابوها معاهم من بلاد المغرب ( و يمكن ده يفسر انها موجوده هناك برضه و مشهوره ) .. دخلوها في حياتنا .. زيها زي الفانوس و العاشوره و حلاوة المولد … بس هي اشتهرت اكتر في مصر و منها الي بلاد الشام .. حيث ملوك الحلويات .. 

و كان الناس زمان بيتفننوا في تقديمها .. و غالبا ما كانت بتتحط في اطباق كبيره و بتبقي عامله زي الزهور في طبق .. و الناس تقطفها من الطبق .. و من هنا جه الاسم .. قطايف .. و في قصة تانيه للتسميه .. و هي ان صناع الحلويات في العصر الفاطمي كانوا بيتنافسوا في عمل انواع جديده من الحلويات و تقديمها للشعب و الحكام علشان كانوا بيخدوا مكافأت علي كده .. فواحد منهم عمل الصنف ده .. و اللي كان شكله و ملمسه زي القطيفه .. فاتسمت قطايف

في اشارات في التاريخ برضه ان القطايف كانت معروفه من قبل العصر الفاطمي .. بس اشتهرت في العصر الفاطمي .. و انها ظهرت في اواخر العصر العباسي .. حتي ان الخليفه الاموي سليمان بن عبد الملك .. كان من اوائل من امر بصنع القطايف و توزيعها علي الشعب و ده كان في رمضان سنة 98 هجريه .

الناس اللي ريقها جري .. اتسحروا كويس ، وصوماً مقبولاً
و للحديث بقية … و في امان الله

yorktowers
yorktowers
اظهر المزيد
Hala Georgia هلا جورجيا

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق