فيروس كورونا حول العالم

802831 إصابة
39020 وفيات
172319 شفاء

فيروس كورونا في جورجيا

110 إصابة
0 وفيات
21 شفاء
• يتم تغذية البيانات تلقائيا لحظة بلحظة
رمضان كريم

حلاوة زمان (12) .. جروبــــــي2 .. نجيب الريحاني ومنتصف الستينيات

آه من فرحة أحلامي ومن خوف ظنوني
كم أناديك وفي لحني حنين ودعاء

بمناسبة الافلام القديمه و الابيض و اسود … جروبي اتصور فيه مشاهد من فيلم عبد الحليم و زبيده ثروت .. يوم من عمري … و ده المحل اللي اشترت منه صباح الجاتوه في فيلم العتبه الخضرا.. اشترت الالف و خمسميت حته بتلاتين جنيه … و ده كان اياميها غالي اوي كمان. جروبي ده المحل اللي في يوم نجيب الريحاني في أول بداياته سمع اتنين من الباشوات بيتكلموا عن مسرحيته ” كشكش بيه ” وهاتك يا ضحك وده اللي شجعه يكمل طريقه ويبقي الأسطورة ” نجيب الريحاني ”

يا رجائي أنا كم عذبني طول الرجاء
أنا لولا أنت أنت لن احفل بمن راح وجاء

عمر الشريف وأحمد رمزي .. أصدقاء الزمن الجميل
عمر الشريف وأحمد رمزي .. أصدقاء الزمن الجميل

” هستناكي في جروبي الساعه 6 … اوعي متجيش ” .. دي الجمله اللي كانت دايما في الافلام القديمه .. و البطل بيواعد البطله .. اللي غالبا بتكون فاتن حمامه … و البطل الشاب احمد رمزي ايقونة الشباب و الطيش في الزمن ده … علي فكرة فاتن حمامة كانت من اشهر رواد جروبي وسط البلد .. و احمد رمزي كمان كان بيقعد هناك كتير مع صديقه عمر الشريف اللي مكنش لسه مشهور وقتها شهرة رمزي .. و في يوم كان موجود يوسف شاهين في جروبي و قدم رمزي صديقه عمر للمخرج الشاب المجنون ايامها .. و خده شاهين في اول فيلم عمله و اداله بطولة مطلقة في … صراع في الوادي سنه 1954

أنا أحيا بغدى الآن وبأحلام اللقاء
فأت أو لا تأت أو فافعل بقلبي ما تشاء

كمان الخواجه جروبي كان اول من عمل ديليفري للاكل .. و كان عامل عربيه بتلات عجلات و فيها نظام تهويه بسيط لنقل الاكل و الايس كريم من المحلات للبيوت … مش بس اول ديليفري .. ده اول من ادخل لمصر الايس كريم بانواعه الجديده و الكريم شانتيه و الميل فوي و الاكليير و المارون جلاسيه ..
ده كمان في قصة مشهورة عن هدية الملك فاروق اللي كان بيعشق الشيوكلاته بتاعت جروبي لما هادي الملك جورج و بنته اليزابيث ( الملكه الحاليه ) و اختها مارغريت بكمية اكتر من 100 كيلو من شيكولاتة جروبي .. تم نقلها بسفينه .. و في اثناء الحرب العالمية الثانيه كمان .

هذه الدنيا كتاب أنت فيه الفكر
هذه الدنيا ليالى أنت فيه العمر

كان جروبي المجلس المفضل للضباط الأحرار
كان جروبي المجلس المفضل للضباط الأحرار

الحقيقة ان جروبي في الفترة دي – منتصف القرن الماضي – كان في قمة مجده .. و ده بفضل ادارة عائلة جروبي المحترفه للمكان .. المكان كان كله بشاوات و اجانب و جاليات .. و كان بيتصور فيه افلام .. و علاقات عائلة جروبي هي اللي خلت مكان بالفخامه دي ينجوا من التاميم .. و يكون كمان بعد الثورة مكان لقاءات الظباط الاحرار و كبارات رجال الدولة في الوقت ده .. بس المكان مكنش معتاد للطبقة الوسطي و الطلبة مثلا .. الا بعد النكسة و انتصارات اكتوبر .. و بعدها اتباع في 1981 و بدا في التدهور الي ان وصل للحال اللي بنشوفه دلوقتي .. مش عايز انسي ان فرع ميدان طلعت حرب كان شاهد علي احداث ثورة يناير الاخيره … حتي عزرا ويزمان الرئيس الاسرائيلي كان بيحب يقعد في جروبي وسط البلد ايام ما كان ضابط في الجيش الإنجليزي .

شاركنا برأيك .. وساهم في نشر المحتوى عبر فيسبوك و تويتر
Like
Love
Haha
Wow
Sad
Angry

Abersy
قناة فيديو هلا TV

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
error: النسخ محمي بموجب حقوق النشر - حافظ على المحتوى الأصيل للموقع ، وإذا رغبت في نسخ محتوى مع الإشارة للمصدر برجاء التواصل عبر إدارة الشبكة
إغلاق